كتب علي فتحي
محارب سرطان عمرو العمده
ذكر أنه في يوم حسيت بتعب وقولت أكشف هيكون ايه عادي
لقيت النتيجة طلعت وكان مرض مش عادي
أحنا أسفين عندك سرطان
وشي إتخطف والدمع في عنيا بان
قولت يعني خلاص العمر انتهي ومش هكبر
وفجاءة سمعت الإذْن بيقول الله أكبر
روحت بيتي واتوضيت وبين ايد ربنا صليت ودموعي نازلة ودعيت
يارب قويني وإلهمني الصبر من عندك
أنا واثق فيك يارب إنك بتختبر عبدك
هحارب يارب والقوة من قوتك
مش هيهزمني مرض والشفا في رحمتك
يارب قدرت بلائي وأنا إخترت سكتك
قد التحدي ومكمل في طريقي
برغم حزني وألمي وضيقي
وبدأت معركة العلاج كيماوي وإشعاع
وأنا والسرطان بقي فيه بينا صراع
مين فينا إللي هيكسب ومين هيقول وداع
الطريق طويل محتاج نكون من الصابرين
محتاج نقف ونقاوم ونكون صامدين
وبمشيئة رب العالمين نبقي منتصرين
الشفاء من عندك يارب وأنت أرحم الراحمين
كلمه من مريض
محارب سرطان عمرو العمده
إرسال تعليق