بقلم الاعلاميه داليا غازي
زمان واحنا صغيرين من سنين كتير اوي كانت العابنا بسيطة وجميلة وألعاب بنتعلم متها او العاب بتنمي فينا روح الجماعة فاكرين كيلو بامية طب الاستغماية حد فاكر لعبة الاولي او الحجلة وكانت بيوتنا وسائل التسلية والترفيه فيها الطاولة و الدمينوز و الكوتشيتة وطبعا الليدو والسلم و التعبان وحاجات كتير اوووي اما الألعاب اللي كانت بتيجي لنا العروسة للبنات و العربيات للولاد وطبعا متنسوس كان عندنا البلي او الطزاز العاب كانت بتجمعنا حوالين بعض ونكون فريق ونتنافس بحب ومودة ده طبعا قبل غزو عالم الانترنت والالعاب اللي للأسف هدمت وبتهدم أجيال وطبعا المثير للدهشة انك تلاقي الام والاب قاعدين ولا في بالهم ابنهم ماسك الموبيل او قاعد قدام الكمبيوتر بيلعب ايه ؟
الألعاب الجديدة دي بتعمل ايه بالنسبة للاطفال عشان محدش يقول ما احنا مكنش نعرف ما هو الولد بيلعب و البنت بتسلي وقتها اللي لازم تعرفوه اني الألعاب دي بتعلم ولادنا العنف وتخيلو مش بس كده دي بتفلب لهم المفاهيم والموازين ازاي علي سبيل المثال وليس الحصر لعبة من الالعاب الحرامي طول الوقت بيجري ويلم الفلوس والبوليس بيجري وراه والمطلوب من ابنك عشان يكسب لانه هو في اللعبة طبعا الحرامي انه يهرب من البوليس وكده يكون فاز تخيل المفهوم المكتسب من اللعبه دي وغيرها طبعا غير العاب الحروب والقتال و الزومبي ومخلصناش بقي من لعب الاطفال دخلنا ليفل الوحش العاب للشباب والكبار العاب القمار اه والله زي ما بقولكم كده العاب بتعلم شبابنا المقامرة والغريب اني اللعبة مكتوب عليها هذة اللعبة خصيصا لمصر وهي عبارة عن قمار مقنع يقولك ادفع تلاتين جنيه تكسب تلات آلاف وغيره وغيره وطبعا مش هقولكم عن الألعاب اللي فبها أشخاص كرتون والزوج بيرمي الزوجة و يخونها ومشاهد ميصحش ولادنا يشوفها الحقيقة مستغربة جدا اني الألعاب دي موجودة عادي وبتتحمل مجانا وللأسف من غير ما تاخدو بالكم من مخاطرها
و لادكم فريسة ليها ويطلع جيل لا عنده انتماء ولا روح جماعية ولا متحمل مسؤلية وكل ده واحنا مغيبين وده المقصود طبعا
الحقيقة الاسم لعبة والفعل حرب حرب علي ولادنا وعقولهم و نفسيتهم وتكوين شخصيتهم
يا ريت نفوق قبل فوات الأوان
وبلاش اقول سلم لنا بقي علي التروماي
واختار وانت صاحب القرار
إرسال تعليق