ليس بالحب وحده يحي الإنسان

كتب محمد الفاتح 

الحب من الهبات الربانيه و رزق مثل أى رزق  من أرزاق المولي سبحانه و تعالي يهبه من يشاء و ينزعه ممن يشاء 

والحب ساعات بجي بعد العشره و التعامل الطيب لما تعاشر انسان و تلقي فيه كل الصفات النبيله و غالبا بيكون مسبوق بالإعجاب اللي المواقف بتدعمه و تحوله لحب و ساعات لتعلق ، و ساعات الحب بجي من اول نظره لما تبص لانسان و تحس انه دخل قلبك دون استئذان 

شكله ، تفاصيل و تقاطيع وشه ..كلماته و حتي ضحكاته بتحس انك عارفها و حافظها ..و النوع ده من المحبه غالبا بكون متبادل و ده اللي بنسميه تلاقي ارواح ..

ماهو في الأصل الأرواح تتلاقي..او تتنافر ..!!

دينا الإسلامي الحنيف امرنا بالمحبه و إفشاء السلام 

ولينا في سيدنا محمد رسول الله عليه افضل الصلاه و اتم السلام أسوة حسنه ..فقد كان محبا ينشر المحبه والسلام 

والإخاء ..فقد كان محبا لاهله و  لصحبه  الكرام رضوان الله عليهم  ..و هنا اذكر قوله صلي الله عليه و سلم حين قال (اللهم لا تلمني فيما تملك و لا أملك ) فالقلب 

و محبته ليست بيد احد..

والإنسان المحب اللي بنشر الحب حواليه دايما بتلاقيه شخص أصلا محبوب ..صافي السريره بحب دون مقابل و بهتم دون انتظار المقابل..

احيانا الشخصيه المحبه دي تحديدا 

برغم كل ده بتلاقي ان ليها أعداء ..ناس بتكره تشوف الحب ده ..

ناس بتحارب المحبه دي لانهم مش قادرين عليها لان بختصار فاقد الشيئ لا يعطيه ، القلب اللي مش قادر انه يحب عمره ما بتستقبل الحب او حتي يتقبله حواليه .

الحب طاقه ..تملا الاماكن فرح و سعاده و بتغمر الوسط طاقه ايجابيه و راحه ، بالحب تبني البيوت و تعمر 

وينتج منها اسره صالحه بتقدم للمجتمع اشخاص قادرين علي العطاء ..علي عكس الشعور النقيض 

اللي بخرج للمجتمع اشخاص هدامه 

تنشر  الكراهيه والبغاء  و بتتبناها مبدأ و أسلوب حياه حتي لو كانت مغلفه ..

الكراهيه شعور ناتج عن الغيره اللي دايما صاحبها بكون عنده احساس بالنقص و انه اقل من اللي حواليه و بتولد احساس بعدم الرضي حتي عند الشخص ذات نفسه غالبا بكون كاره لنفسه و حاسس دوما انه اقل من اللي حواليه عشان كده بتنتقل الطاقه دي عبر سلوكياته و مشاعره تجاه الآخرين  في البيت ..في الشارع 

في العمل ..في العلاقات مع الجيران او الاصحاب ..وده بخليه دوما في حاله انتقاد للاخر و التقليل من شأنه 

و متابعه اخطائهم و عيوبهم و ابرازها للناس سواء كان في شكل سخريه ..او حتي شفقه مغلفه !!!

الكراهيه نار بتحرق صاحبها و بتخليه عايش في جحيم و بتجذب له الاشخاص من نفس الشاكله اللي دايما بحبو يعيشو في جو عكر و ليس صافي 

اما الحب .ذي ما ناس كتير بتقول الحب (بنور) و بفرد لك مساحات كبيره من التصالح مع الذات و الاخرين ..الحب طاقه جذب عاليه جدا للود و التواصل الاجتماعي السليم ..النجاح و حتي المال 

وكما تغنت الفنانه المصريه يسرا 

حِب.. خلّي الناس تحب

روح للناس يا حُب

الحُب ما لينا غيره

والله ما لينا غيره

يدفّينا

ينسّينا

يمحي الحزن بينا

نلقى الخير سفينة

تعدّي بينا

ترسّي بينا البر