كتبت سماح سليمان الصباح
انهي صغير يدعي "اسلام"حياته شنقا بسبب تلقيه ضربا مبرحا من والده .
قالت شقيقة اسلام "الخناقة كانت بسبب الفلوس لأن ابويا مشغل اسلام من وهو عنده ١٠ سنين،
ومخرجه من المدرسة عشان يجيب له فلوس وكل يوم بياخد اجره يصرفه علي نفسه،
وده سبب الخناقة ١٠٠جنيه زيادة في اجر اسلام وضرب اخويا جامد وبعد كدة اسلام دخل اوضته
لوحده "
وتابعت "ماكنش بيصرف علينا وكلنا بنشتغل ونصرف علي نفسنا عندي ١٩ سنة واخويا محمود ١٨ سنة واسلام كان عنده ١٣ سنة،
وكان بيخلينا نشتغل عشان ياخد فلوسنا ولما كنا نجيب تليفونات من فلوسنا كان بياخدها يبيعها،
عشان ياخد فلوسها يصرفها علي نفسه "
واضافت "دخلت بنت عمي علي اسلام اوضته لقيته شانق نفسه بحبل في المروحة،
بعد ماابويا ضربه واتخانق معاه ابويا هو السبب في موت اخويا واحنا هنعرف نجيب حقه ازاي "
وبسؤال والدة اسلام قالت "احنا اطلقنا من ٦سنين وهو رفض اني اخد عيالي،
ولما عرفت خبر وفاة ابني اسلام صرخت ورجلي ما كنتش شيلاني
هو السبب في موت ابني وعيالي اللي عايشين هاخدهم منه ومش هسيبهم "
إرسال تعليق