عروسه في الجنه بالمنوفية

كتب/سعيدعمر

هايدي بنت قرية المصيلحة التابعة لمركز شبين الكوم اتوفت إثر حادث وهي خارجة من فرح 

والدها الحاج محمد بيقول كانت راحة تقدم واجب لصاحبتها العربية خبطتها حتى ما وقفش يطمن عليها ينقلها للمستشفى 

والدها بيقول كان ممكن الخمس دقايق يفرقوا معاها كان ممكن تعيش الفرق بين الحياة والموت ايه دا نفس دي كانت عروسة انا كان نفسي افرح بيها 

والد هايدي بيقول كنت مجهزها علشان عاوز افرح بيها دلوقت اعمل ايه بالجهاز ابيعه ولا أتصدق بيه ولا اعمل بيه ايه انا كنت عاوز افرح بيها بس واجوزها قبل ما اموت مش احضر موتها هي 

والدها بيقول لو كان بس وقف وشالها وداخا المستشفى حتى لو ماتت كان قضاء وقدر خلاص حتى لو مضايق منه هبقى عندي رحمة تجاهه شوية انما يشيلها ويمشي يسيبها مرمية في الأرض كدا

 والدها بيقول الكل كان بيحبها جنازتها ماكنتش جنازة بنت لسة ما اتجوزتش، هي خريجة تربية طفولة كانت بتلم اطفال البلد تديهم دروس ببلاش وكمان تجبلهم حاجات حلوة على حسابها علشان يحبوها ويسمعوا كلامها ولما اقولها خدي فلوس انا مديون علشان اجهزك تقوله اعتبرهم زي سيف اخويا 

اخوها قال كنت لسة مكلمها من 5 دقايق قبل الحادثة بطمن عليها ولقيت صاحبي بيرن بيقولي اختك عملت حـ.ـادثة جريت لقيتها في الأرض ودمـ.ـها سايح 

هايدي دخلت المستشفى لمدة 4 ساعات بتعلق دم علشان تفوق ولكن قدر الله نفذ، والدها كل الي طالبه الناس تدعيلها وحقها يجي