بقلم: احمد مبارك
مفيش حد شاطر في كل حاجه
في بعض الأحيان الحياة لا تسري علي وتيرة واحدة بل تتعدد
وتختلف من وقت الي وقت آخر
في العلاقات هتلاقي ناس شاطرة في إنها تسأل وتطمن عليك وتتفهمك
وناس تانية شاطرة في إنها تجري معاك في مشاويرك وتوقف معاك في أزماتك الصحية أو المادية
وناس شاطرة معاك في الخروجات والفُسح والساحل وقعدة القهاوي
وناس شاطرة في إنها تنصحك وتحتويك وتسمعلك وتدعمك نفسياً
فمن العقل إنك متعاتبش بتاع المشاوير إنه مبيسألش ولا بتاع الفُسح إنه مش بيدعمك نفسياً
مينفعش تستني من واحد جميع ما سبق ومتزعلش منه لو معملش الحاجة اللي هو مش شاطر فيها هو شاطر في حاجته بس
الله سبحانه وتعالى جعل الاختلاف في كل شيء
في الطباع والميول والأفكار
لكل واحد مننا ربنا جعل له ميزه وبصمه مميزه تميزه عن غيره
إرسال تعليق