كتبه محمد اليماني
شهدت مصر في الفترة الأخيرة عدد كبير من الحرائق في مناطق مختلفة ومنها الحريق الكبير اللي حصل في سنترال شركة مصر للاتصالات بمنطقة رمسيس واللي سبب حالة من الرعب والقلق في الشارع المصري والناس مش عارفة الحريق ده سببه ايه لحد دلوقتي الجهات المعنية لسه بتحقق في الواقعة ومفيش تصريح رسمي بسبب واضح لكن الحريق كان ضخم جداً وخلف خسائر كبيرة جداً سواء في الأجهزة أو البنية التحتية ومن الحوادث اللي حصلت قبل كده برضو حريق مول العابد في الهرم وحريق مخازن مدينة نصر وغيرها كتير من الحرائق اللي بتتكرر في أماكن مختلفة في مصر واللي بيتكرر معاها نفس السؤال هو ايه السبب في كل الحرائق دي وهل هي بسبب الإهمال ولا في طرف تالت بيحاول يعمل فوضى أو أعمال تخريب ولا مجرد صدفة
١ تكرار الحرائق ممكن يكون نتيجة الإهمال في إجراءات السلامة زي التوصيلات الكهربائية العشوائية أو استخدام أجهزة قديمة أو غير مطابقة للمواصفات أو مفيش صيانة دورية أو عدم توافر أجهزة إطفاء أو خطط طوارئ
٢ أحياناً بيكون في أطراف غريبة بتحاول تعمل نوع من التخريب أو الفوضى أو تعطيل مصالح الناس لكن الجهات الأمنية هي الوحيدة اللي تقدر تحقق وتحدد لو كان في شبهة جنائية
٣ بعض الأماكن فيها نشاط صناعي أو كهربائي عالي ومع عدم المتابعة أو الفحص بيحصل تماس كهربائي أو تسريب غاز أو غيره وده بيقدي لانفجار أو حريق كبير
٤ لازم نعرف إن الحرائق مش دايماً وراها مؤامرة لكن الإهمال نفسه كفيل يعمل كوارث كبيرة ويدمر ممتلكات وأرواح
٥ علشان نتجنب الحرائق لازم يكون في التزام حقيقي بإجراءات السلامة سواء في البيوت أو المحلات أو المصانع أو الشركات زي تركيب كواشف دخان وجود طفايات حريق التدريب على الإخلاء الطارئ الصيانة الدورية للكهرباء والغاز
٦ كمان لابد ان يكون في رقابة مشددة من الدولة على المولات والمباني الكبيرة وكل الأماكن اللي فيها عدد كبير من الناس وده علشان نمنع تكرار الكوارث
٧ الإعلام له دور مهم في نشر الوعي وتثقيف الناس بإزاي يتعاملوا في وقت الحريق وإزاي يبلغوا بسرعة وينقذوا نفسهم من غير ما يحصل ذعر أو تدافع
إرسال تعليق