حوادث الطريق الأقليمي وتجنبها

                     كتبه محمد اليماني

الطريق الأقليمي دلوقتي فيه إصلاحات وبيوسعوا فيه بس رغم كده الحوادث بتحصل عليه كتير وده بسبب السرعة الجنونية اللي بيمشي بيها بعض السواقين وبيكون الطريق مش مهيأ للسرعة دي لأن فيه شغل شغال في الطريق ولسه ما خلصش وكمان في ناس بتسوق وهي تحت تأثير المخدرات وده بيخليهم يفقدوا التركيز والسيطرة على العربية وبيسببوا كوارث كتير ومنهم اللي بيعدي على الحارة التانية بدون ما يبص ومنهم اللي بيعدي الإشارات أو بيسوق عكس الاتجاه أو بيتجاوز من أماكن غلط وكل ده بيزود نسبة الحوادث والضحايا والوفيات اللي بتحصل كل يوم تقريبا على الطريق الأقليمي

الحل إن السواقين يلتزموا بالسرعة المقررة خصوصا في مناطق الإصلاح ويخدوا بالهم إن الطريق فيه شغل ولسه ما خلصش فلازم السواقة تكون بحذر شديد ويلتزموا بالحارات بتاعتهم وما يحاولوش يغيروا الحارة بدون ما يتأكدوا إن الطريق فاضي ومافيش عربيات جمبهم وكمان لازم ما يسوقوش وهم شاربين مخدرات أو مسكرات لأن ده بيعرض حياتهم وحياة الناس للخطر ولازم كمان يلتزموا بكل الإشارات والعلامات اللي موجودة على الطريق الأقليمي لأن كل علامة متحطتش كده وخلاص دي محطوطة علشان تحميهم وتقلل الحوادث كل سواق لازم يعرف إن روحه وروح غيره أمانة في رقبته وإن الطريق مش بتاعه لوحده الطريق لكل الناس ولازم نحافظ على نفسنا وعلى غيرنا ونخلي بالنا من أي حاجة ممكن تسبب حادثة عشان نرجع لبيوتنا سالمين