هل نحن على ابواب حرب عالمية الثالثة

 

كتبه محمد اليماني

الناس  عايشة في خوف وقلق وكل واحد بيسأل نفسه هو احنا رايحين على حرب عالمية تالتة ولا الدنيا هتهدى اللي حاصل حوالينا يخلي الواحد يحس ان العالم كله واقف على نار مفيش مكان في الدنيا الا وفيه توتر وصراعات

 واللي بيخوف اكتر ان المشاكل بتكبر بسرعة زي النار في الهشيم مفيش دولة كبيرة سايبة التانية في حالها كله عايز يثبت انه الأقوى وكله بيستعرض سلاحه والناس العادية بقت مش فاهمة الدنيا ماشية فين لما تفكر في اللي حصل قبل كده وتفتكر الحروب اللي فاتت تلاقي ان البداية كانت صغيرة مشكلة هنا كلمة هناك وبعدها الدنيا ولعت واتجروا فيها بلاد كتير لحد ما العالم كله دخل في دوامة كبيرة 

واللي بيخلي الخوف اكبر دلوقتي ان الأسلحة بقت أخطر والضغط على زرار ممكن يضيع مدينة كاملة مش زي زمان الحرب كانت بدبابات وبنادق دلوقتي الحرب لو ولعت هتكون نهايتها خسارة للجميع الناس فيه منهم اللي شايف ان الحرب خلاص قريبة على الأبواب وفيه ناس تانية بتقول لأ الدول الكبيرة مش هتغامر تخسر كل ده عشان عناد او مشكلة لكن الحقيقة ان الواقع مرعب لانك تحس ان الدنيا كلها واقفة على خيط رفيع وممكن يتقطع في أي لحظة 

احنا عايشين في زمن صعب كله قلق واللي فات كان كفاية يعلم البشر ان الحرب مش حل لكن شكله لسه في ناس ما اتعلمتش ولسه مصرين ان القوة هي اللي تكسب وفي الآخر اللي بيدفع التمن هو الناس البسيطة اللي عايزة تعيش في أمان وتربي عيالها من غير ما تصحى تلاقي العالم كله بيولع