كتبت – إبتهال عبدالسلام
كل يوم تقريبًا بنصحى على حاجة جديدة على السوشيال ميديا بقت تريند والناس كلها بتتكلم عنها. ساعات بيكون الموضوع مهم فعلًا وساعات تانية بيكون مجرد فيديو أو موقف عادي لكن بسبب انتشار الناس ليه بيبقى حديث الكل.
المشكلة إننا ساعات بنشارك ونعلق على حاجة من غير ما نعرف هي حقيقية ولا لأ وكل واحد بيضيف عليها من عنده وبعد شوية ممكن تلاقي القصة الأصلية اتغيرت تمامًا.
وفي حاجات بتنتشر لمجرد إنها غريبة أو مثيرة للجدل مش لأنها مهمة. وده خلانا أوقات نهتم بالتريند أكتر من الأخبار والحاجات اللي فعلًا تستحق اهتمامنا.
السوشيال ميديا بقت جزء كبير من حياتنا وعشان كده مش لازم كل حاجة نشوفها نصدقها أو نجري وراها لأن مش كل تريند يستاهل اهتمامنا
إرسال تعليق