كتبت ✍ ناديه الشرقاوي
في ناس محطة وتعدي....وناس درس ونتعلمه....وناس فترة حلوة نفتكرها....وناس وجودهم رزق بجد
وعشان كده إنت لازم تكون الفلتر في حياتك
مش كل اللي بيضحك معاك يبقى صاحب...ومش كل اللي بيسأل عليك يبقى بيحبك....ومش كل اللي كلامه حلو يبقى قلبه نضيف
الناس الحقيقية بتبان لما الدنيا تضيق عليكل لما تمرض ومتبقاش قادر تعمل حاجة...لما تخاف وتحتاج حد يطمنك...لما تقع وتفشل ومتبقاش في أحسن حالاتك
ساعتها هتعرف مين كان بيحبك إنت ومين كان بيحب النسخة اللي بتريحه منك
امسك في اللي شاف ضعفك ومخافش منك اللي عرف عيوبك ومستخدمهاش ضدك...اللي سندك من غير ما يمن عليك...اللي نصحك من غير مصلحة....واللي فرح لفرحتك من غير ما يقارن نفسه بيك....واللي خاف عليك حتى وإنت مش طالب منه حاجة
دول متفرطش فيهم بسهولة لأن العلاقات الكتير مش هي الغنى.....الغنى الحقيقي إن يبقى عندك كام شخص
تقدر تقع قدامهم من غير ما تخاف....وتتعب من غير ما تتكسف....وتكون على طبيعتك من غير ما تمثل
في الاخر...
مش مهم كام شخص عدى في حياتك ...المهم مين فيهم يستاهل يكمل معاك لأن مش كل اللي دخل حياتك يستحق مكان فيها ومش كل اللي خرج منها خسارة
اختار ناسك بعناية…
لأن اللي هتسمحله يقرب منك
يا إما هيطمن قلبك… يا إما هيكسره
إرسال تعليق