كتب أحمد عويس
مصطفى شوبير حرفياً شال الفريق في ماتشين ورا بعض وفي أقوى بطولة بيلعبها الأهلي حالياً أول ماتش شباب بلوزداد قدام ٥٠ الف مشجع جزائري قدر يعمل ٥ تصديات منهم ٢ من داخل ال box وكان حرفياً نجم المباراة
والنهاردة قدام ميديانا بيأكد تألقه ويقدم ماتش كبير أوي قدر يعمل ٥ تصديات منهم ٤ من داخل ال box
علشان يستحق ياخد أعلى تقييم وفقاً لكل مواقع الأرقام والاحصائيات
بداية كبيرة لشوبير بدأت من نهائي دوري الأبطال قدام الوداد وناس كتير قالت صدفه
علشان يرجع اللاعب ويقدم نفسه قدام بلوزداد في الجزائر وميدياما في غانا وفي ال ٣ مباريات في أصعب ظروف ممكنة يبقى حارس كبير ويستحق التواجد في المنتخب ويشيل الأهلي في أي وقت ميكونش الشناوي متواجد فيه لأن مفيش حارس أفضل من شوبير الدوري كله مع إحترامي للجميع
برافو يا مصطفى برافو والله 👏🏻👏🏻
إرسال تعليق