الشعر

 

كلمات /محمد الزعيم 

الشعر نابع من قلوب صافيه تعبر بالقلم

نكتب ساعات عن الحروب وساعات بنكتب من عدم

 

اللي اتنصف واللي اتظلم 

اللي حقق حلمه يوم واللي ندم أنه حلم

في ناس تدافع عن الباطل

 وناس بتموت بالباطل

 نلاقى شباب كتير عاطل

وناس واكله حقوق الناس وبتماطل

وانا طول عمري واد شاطر

 

بحاول اواكب الأيام مع الماضي 

بكتب وقت ما اكون مشغول أو فاضى

لا مشغول بناس غيري ولا عل ناس بكون قاضي

 

من حقى أقول رأيى

ومن رأيى بلاش نبكي على الماضي

مادام فينا نفس هنقوم

 مسيرنا نصحى في يوم

م النوم

لو حسينا بوجودنا هنحاول نعدي بحور

وهنتعلم كمان العوم

دلوقتي زاد العيب وزمان قالوا يا عيب الشوم

اتغيرنا ليه ومين غيرنا

لا بقينا فاضيين لحد ولا حد بقى فاضيلنا 

بنلاقى جحود من ناس بينكروا أفضالنا

نفاق ورياء وكذب كتير للأسف ده بقى حالنا.