كتب حسانين الحلو
لكن مضطر ابان عادي
طفحت الكوتة مش نافع
وضاع العمر ع الفاضي
...............
انا مسافر ومش مبسوط
جايز راجع وجايز اموت
وجايز برضو انول حلمي
والاقي حتى تمن القوت
...............
يابلدي ياريت تسامحيني
انا سايبك على عيني
وكل منايا لو هرجع
في نن عينيكِ حطيني
..............
انا معاكِ ومش ضدك
و بوست كتير على يدك
وكل ماليكِ اتقرب
الاقي الصد كان ردك
..............
عشان خاطرك انا هنسى
ومش هكره ولا ااسى
ولو طال الرحيل بيا
على شطك اكيد هرسى
إرسال تعليق