كتبت / مادونا يونان
صدّرت الفنانة نورهان شعيب محركات البحث
جوجل بعد إعلانها خبر غرق منزلها بالكامل وعن كمية الخسائر التي تكبدتها
كتبت “نورهان” منشورًا على صفحتها على الفيسبوك وروت تفاصيل غرق منزلها والذي لم يعد الكارثة الأولى التي تتعرض لها خلال فترة قصيرة .
وقالت “نورهان”
(إمبارح رجعت من بره بافتح الباب سمعت صوت مية مفتوحة بافتح باب الحمام لقيت المية مغرقة الارض و دواليب الحمام و الادراج و الهدوم و الفوط و العلاج و علب الادوية اللي شارياها من امريكا بكميات عشان مفيش منها في مصر كله راح .. خساير بالجملة ... اكتشفت ان فيه ماسورتين اتكسروا و خرجوا من مكانهم و الدنيا غرقانة و المية طالعة بره الحمام و مغرقة نص اوضة النوم و تحت السرير ... وقفت مذهولة كدة ٥ دقايق و كلمت السباك و انا بافكر اني لو كنت اتاخرت ساعة واحدة بس بره ! زي ما باعمل كل يوم بعد الشغل بافضل قاعده بالساعة و الساعتين احيانا عشان احضر شغل اليوم اللي بعده ، كان زمان بيتي كله بالكنب و السجاجيد و كل شئ ضاع .. لطف بيا الله فيما جرت به المقادير زى ما دايما باطلب منه .. قد ايه بينجينا المنجي من كوارث و احنا قاب قوسين او ادني منها ، لولا رجوعي في الوقت المناسب كان حجم الخساير تضاعف اضعافا مضاعفة .... الحمدلله علي كل شئ .
جدير بالذكر اني علي مدار السنة الحالية دي، مثلا لما رجعت من سفرية امريكا الخامسة و الاخيرة لقيت النجفة بتاعت الكويدور واقعة و الازاز متكسرو متنتور عالارض غي كل حتة ،و رجعت من سفرية اليونان ، اللي كانت ٣ ايام بالعدد ، لقيت دولاب المطبخ اللي متعلق عالحيط وقع و كل الصيني و الازاز مرمي عالارض متكسر ..)
إرسال تعليق