كتبت - ساندي وجية
ضجت مواقع التواصل الاجتماعي في مصر بتفاصيل واقعة مأساوية راحت ضحيتها طالبة بجامعة الزقازيق أمس الأحد، وفيما تباينت ردود الأفعال لف الغموض الحادثة سقطت غارقة في دمائها
فقد سقطت روان ناصر، الطالبة بالفرقة الرابعة بكلية العلوم بجامعة الزقازيق، أمس الأحد، من الطابق الخامس بالجامعة في مشهد صادم، حيث تجمع من حولها زملاؤها الطلبة والطالبات وهي غارقة في دمائها، بينما كثرت الأقاويل حول إهمال إدارة الجامعة وتقاعسها عن نجدة الطالبة وطلب الإسعاف لها
وبحسب روايات الطلبة بالجامعة، فقد تأخر وصول سيارة الإسعاف إلى مكان الحادث قرابة النصف ساعة كاملة، ما أدى إلى نزف الطالبة للكثير من الدماء قبل أن تلفظ أنفاسها الأخيرة وسط صرخات وذهول الجميع
من جهة أخرى، تضاربت الأقاويل والشهادات بشأن الواقعة المأساوية، حيث اتهم بعض الطلبة إدارة الجامعة وعميد الكلية بالتورط في الأمر، بينما رجح البعض انتحار الطالبة، فيما انتشرت صور تجمهر الطلبة بمبنى الكلية محل الحادث، وصور أخرى لدماء الطالبة على الأرض مكان سقوطها.
وطالب الكثيرون من رواد مواقع التواصل الاجتماعي بسرعة التحقيق في الواقعة وكشف غموضها، فيما أكد زملاء الطالبة روان أنها كانت متزنة نفسيا ولا تعاني من أي مشكلات، وأنها كانت تستعد للتخرج خلال عدة أشهر، مستبعدين انتحارها.
ومن جهة أخري صديقة روان في بوست لها تقول روان ماتـ.ـت مقـتوله وأنا صاحبتها وشاهدة على كل حاجة”
أنا مش بكتب الكلام ده عشان تريند،ولا عشان أثير الناس،
أنا بكتب عشان أقول الحقيقة اللي بتحاولوا تمسحوها كل مرة وبصفتي صاحبة روان، واللي كانت معاها قبل ما تقع من الدور الخامس بساعة أنا شاهدة على اللي حصل، ومش هسكت روان كانت طبيعية، مبسوطة، مفيش أي علامة إنها ناوية تنـتحر لكن روان كان معاها فيديو فاضح يخص العميد وبنت معينة ماشية معاه وده كان كافي إنه يخلي العميد، بمساعدة اتنين دكاترة، يقرروا يتخلصوا منها.
آه روان اتقـتلت واستُدرجت واتزقت من فوق.
الدليل؟
• الزرع فوق متقطع
• الورق مبعتر نتيجة إنها كانت بتقاوم
• الكاميرا اللي قدام المكان؟
العميد شخصيًا فصلها
• طب شنطة روان وتليفونها فين؟
العميد أخدهم “ينسخ الفيديو”
بس الفيديو كان اتبعت قبلها ومعايا نسخة منه.
روان فضلت غرقانة في دمها نص ساعة،
مفيش إسعاف، مفيش أمن، مفيش دكتور،
إحنا الطلبة اللي كنا بنقيس النبض، ونضغط على صدرها، ونحاول نوقف النزيف…
لحد ما نبضها انتهى بين إيدينا.
ولما الإسعاف جات؟
• السواق مش عايز يتحرك
• والمستشفى ترفض تدخلها من غير ضامن!
فين الإنسانية؟ دي روح إنسانة بتموت!
واللي يمـوتك من القهر؟
بتوع الاتحاد مسحوا الدم من الأرض!
يعني تلاعبوا في مسرح الجريمة، ومفيش حد يعرف دلوقتي وقعت على وشها ولا ضهرها ولا الشرطة هتعرف تحدد حاجة الوحيد اللي اتحرك؟دكتور وائل، هو اللي جاب الشرطة ورئيس المباحث،
لكن طبعًا مش هيرضوا يبقى هو العميد، لأنه “ما غطاش الجريمة زيهم أنا بقول الكلام ده وأنا مسؤولة عنه،
أنا مش خايفة، وأنا مش لوحدي،
وحق روان مش هيضيع،
وكل اللي شارك ف الجريمة دي بالفعل أو بالصمت،
خصومنا قدام ربنا، وخصوم كل بنت في البلد دي
واكدت جامعة الزقازيق في ختام بيانها، أكدت إدارة الجامعة على التزامها المستمر بتوفير بيئة آمنة داخل الحرم الجامعي لجميع الطلاب والطالبات، مشددة على أنها لن تتوانى عن اتخاذ ما يلزم من إجراءات بمجرد انتهاء التحقيقات.
كما تعهدت الإدارة بالشفافية الكاملة في إعلان نتائج التحقيق فور صدورها، مشيرة إلى أن سلامة الطلاب وأعضاء هيئة التدريس تأتي على رأس أولوياتها.
إرسال تعليق