كتب/علاء المصري
في مدينة دمياط، تقدمت جدة طفل ببلاغ تستغيث فيه لإنقاذ حفيدها "أحمد عماد خليفة" 12 سنة، بعد ما اكتشفت إن والده بيعذبه داخل البيت، وبيعلقه من إيديه ورجليه في سقف الأوضة، وبيـ.ـحرقه ويكويه بالـ.ـنـار.
البلاغ وصل فورًا لمأمور قسم ثان دمياط، والشرطة تحركت بسرعة، وتم ضبط الأب والأم واقتيادهم للقسم، والطفل اتنقل على الفور لمستشفى دمياط العام لتلقي العلاج بعد ما فقد وعيه من شدة التعذيب.
جدته أكدت إن الجريمة حصلت داخل بيت الأسرة، وإن الأم كانت شاهدة على اللي حصل وسكتت.
دلوقتي الأب والأم محتجزين، والنيابة العامة بتباشر التحقيقات تمهيدًا لعرضهم صباح الغد واتخاذ الإجراءات القانونية اللازمة .
جريمة بتسألنا كلنا سؤال واحد :
إزاي ممكن يوصل أب إنه يتحول لوحش بالطريقة دي في بيت المفروض يكون هو مصدر الأمان فيه
إرسال تعليق