بقلم عصام السيد شحاتة
لما ابنك يكبر مش هيفتكر المصاريف اللي انت دفعتهاله في المدرسة والدروس، ولا هيفتكر جَريك بيه على الدكاترة لما كان تعبان وفلوس الدوا، ولا الهدوم اللي انت اشتريتهاله والأكل اللي أكلتهوله، لأن دي اسمها رعاية وتعتبر واجب كل أب وأم وبديهي جدا إنهم يعملوه .. طب هيفتكرلك ايه؟
هيفتكر "البهارات" اللي بتدي طعم لأي حاجه ، هي مش أساس الأكلة بس شيء إضافي بيفرق جدًا .. والمقصود بيها هنا الطبطبة والدعم والتشجيع والخروجات والفُسح واللعب والتنطيط .. هيفتكر يوم الامتحان اللي جاب فيه درجة مش كويسة وقولتله "عادي مش مشكلة تتعوض في الجاي ده مش هيقلل من قيمتك في عيني" ، هيفتكر إن عمرك ما حطيته في مقارنه مع أي حد تاني مهما كان مين ، هيفتكر إنك كنت بتاخد رأيه وتشاركه تفاصيله ، هيفتكر إنك كنت
الـصديق بالنسباله وكان بيحكيلك كل حاجه من غير خوف ولا قلق .. هيفتكر إنه لما كان بيغلط مكنتش بتمسكله العصايه .. هيفتكر إنك كنت صاحبه
شتان بين الرعاية ، والتربية ..
إرسال تعليق