الحب لا يمكن تعويضه

 

كتبت/اميرة فتحي

الحب  بيمر بمراحل كتير صعبة  ومؤلمة بس اصعب مرحلة بيمر بيها الحب هي مرحلة العند والكبر المرحلة الى قالت عنها ام كلثوم في اغنيتها .وضاع الحب ضاع مابين عند قلب وقلب ضاع.  ودي الحالة الى عاشها احمد ذكي وهالة فؤاد الله يرحمهم الاتنين كانوا بيحبوا بعض جدا وروحهم في بعض ومحدش فيهم يقدر يعيش بعيد عن التاني لانهم روح واحدة مقسومة على جسدين لكن فجأة  يحصل ما بينهم خلاف قد يكون خلاف عادي او بسيط كان من الممكن ان يتداركه احد الطرفين  لكن شاء القدر ان الطرفين ينفصلوا وكل واحد فيهم يروح في  ناحية تخلص الحكاية لحد كدة لا طبعا مخلصتش لا هي نسيتوا ولا هو قدر ينساها

 تمر ايام وتعدي شهور  وهالة في انتظار ان احمد يرجعلها لكن احمد تمادى في عنده وكبره ورفض يرجعلها ودي كانت من اسوأ  قرارات احمد ذكي الى ندم عليها  طول عمره زي ما قال احمد ذكي  بنفسه المهم فشل هالة انها ترجع لاحمد حسسها بالاحباط والهزيمة وكان لازم انها تثأر لنفسها ولكرمتها انها تتجوز تاني ظنآ منها انها كدة هتنسى حب احمد ذكي الى هو حب عمرها لكن لاسف رغم ان هالة اتجوزت من راجل تاني وخلفت منه كمان الا انها من حزنها على حب عمرها اصيبت بالمرض الخبيث 

وتموت هالة وترحل في صمت ويعيش احمد ذكي ميت بالحيا بيموت في اليوم الف مرة حزنا  على حب عمره الى مقدرش ينساها اويتخطاها حتى وهي ميتة وعاش احمد عمره كله  بدون زوجة اخلاصا لحب عمره هالة فؤاد

 قصة حب عظيمة انتهت نهاية درامية  ومأسوية مع انها كان من الممكن تتحل بشوية تخطي وعفو ومغفرة  وتضحية من كلا الطرفين لكن كل واحد فيهم كان متخيل انه من الممكن انه يقدر  يعوض خسارته ومحدش فيهم ادرك ان الحب كالمرض لا اجر فيه ولا عوض ولا يمكن تخطيه او استثنائه او تعويضه