كتب: عصام السيد شحاتة
طمّنت زوجة الفنان القدير أحمد عبد العزيز جمهور ومحبيه، مؤكدة إن حالته الصحية مستقرة وإن عملية الأحبال الصوتية اللي خضع ليها تمت بنجاح، وعدت على خير.
في تصريحات خاصة قالت زوجة الفنان زوجي بخير والحمد لله، وعملية الأحبال الصوتية تمت بنجاح كامل، وهو دلوقتي في مرحلة الراحة والتعافي
وأضافت شكراً لكل الناس اللي سألت وطمنوا عليه، ودعواتكم فرقت معاه جداً. هو بيتحسن يوم عن التاني وإن شاء الله هيرجع لجمهوره قريب
الفنان أحمد عبد العزيز كان أجرى عملية جراحية دقيقة في الأحبال الصوتية خلال الأيام الماضية، بعد ما اشتكى من إجهاد وتعب في الصوت نتيجة مشوار فني طويل.
العملية اتعملت في أحد المستشفيات المتخصصة، والفريق الطبي طمن الأسرة إن كل حاجة عدت بسلام ومفيش أي مضاعفات.
خبر العملية أثار قلق محبي الفنان الكبير، وانهالت عليه رسائل الدعاء من زملاءه في الوسط الفني ومن الجمهور عبر السوشيال ميديا، متمنيين له الشفاء العاجل والعودة للساحة الفنية.
أحمد عبد العزيز من علامات الدراما المصرية، وساب بصمة في قلوب الناس بأعماله اللي عايشة معانا لحد النهاردة زي المال والبنون وسوق العصر
إرسال تعليق