كتب: عصام السيد شحاتة
قرر قطاع المعاهد الأزهرية إعادة توزيع درجتين في امتحاني النحو والفيزياء لطلاب الثانوية الأزهرية، في خطوة لرفع الظلم عن الطلاب ومراعاة مصلحتهم بعد شكاوى من بعض الجزئيات
أعلن الأزهر الشريف إن لجان تقدير الدرجات رصدت صعوبة أو خلل فني في سؤالين، واحد في امتحان النحو والتاني في امتحان الفيزياء، وبناء عليه تم اتخاذ قرار إعادة توزيع الدرجات الخاصة بيهم على باقي أسئلة الامتحان.
الهدف: محدش يتظلم بسبب سؤال عليه خلاف، و الدرجتين هيتوزعوا تلقائياً على باقي الامتحان، يعني الطالب مش محتاج يقدم طلب أو تظلم
النحو سؤال عليه خلاف تم توزيع درجته على باقي جزئيات الامتحان علشان الكل يستفيد.
الفيزياء مسألة فيها صعوبة فنية تم ترحيل درجتها وتوزيعها على باقي المسائل.
القرار ده هيزود درجات الطلاب اللي حلوا باقي الامتحان كويس، وهيطمن أولياء الأمور إن الأزهر بيراعي أبناؤه.
قطاع المعاهد الأزهرية أكد إن الهدف من القرار هو تحقيق العدالة وتكافؤ الفرص، وإن الأزهر دايماً بيقف في صف الطالب وبيبحث عن مصلحته قبل أي حاجة.
التصحيح ماشي حالياً والدرجات الجديدة هتظهر في النتيجة النهائية، ومفيش أي إجراء مطلوب من الطالب.
إرسال تعليق