كتب: عصام السيد شحاتة
تنطلق مساء اليوم صافرة البداية لأكبر نسخة في تاريخ كأس العالم، عندما يلتقي منتخبا المكسيك وجنوب أفريقيا على ملعب "أزتيكا" الأسطوري في العاصمة المكسيكية، في المباراة الافتتاحية لمونديال 2026.
ملعب أزتيكا هيبقى أول ملعب في العالم يستضيف 3 مباريات افتتاح لكأس العالم بعد 1970 و1986. 87 ألف متفرج هيحضروا الحدث، ومليارات قدام الشاشات مستنية أول لمسة في النسخة اللي اتوسعت لـ48 منتخب.
منتخب المكسيك نازل بثقة الأرض والجمهور وعايز يبدأ البطولة بفوز تاريخي. التري كولور عارفين إن الفوز في الافتتاح بيفتح طريق كبير، والجماهير مجهزة تيفو عملاق وهتاف واحد: فيفا مكسيكو
بافانا بافانا جايين مش خايفين. بعد ما عملوا افتتاح 2010 في بلدهم، راجعين يكتبوا فصل جديد. المدرب معتمد على السرعات والهجمات المرتدة، وعينه على مفاجأة تهز الأزتيكا من أول دقيقة.
دي أول بطولة في التاريخ بـ48 منتخب و104 مباراة، بتستضيفها أمريكا وكندا والمكسيك سوا. المباراة دي بس بداية الرحلة اللي هتستمر شهر كامل لحد نهائي 19 يوليو في نيويورك.
العالم كله على موعد مع احتفال ضخم قبل الماتش، بعروض فنية تمزج بين ثقافة المكسيك وروح كرة القدم. الفيفا وصفتها بـ أكبر حفلة افتتاح في تاريخ البطولة
إرسال تعليق