خان اللي حبّيته
بقلم. ايمان عبده
كنت فاكرة حبّك عمره ما يهون
وإن قلبي فى حضنك دايمًا يصون
كنت برسم من ضحكتك ألف أمان
وأشوفك وطن فى عز الزمان
لكن طلعت الوعد كلمة وبتروح
وسبت في قلبى وجع وجروح
بعت اللي حبّك بصدق وإخلاص
وخنت العيون اللي ما شافتش غيرك خلاص
أنا مش بزعل عشان بعدت يوم
أنا بزعل عشان الحب طلع وهم
عشان اللى اديته قلبي وروحى
كان أول واحد يكسر طموحى
كنت ليك حضن وقت الانكسار
وسند وقت الضيقة والأعصار
ولما وقفت على رجليك قوى
نسيت مين كان بيشيلك شوى شوى
دلوقتي بقيت غريب الملامح
لا حبك باقي ولا حتى مسامح
سيبت لى ذكرى وجعها كبير
لكن علمتنى أعيش من غير
هعدّي وهقوم مهما كان الأذى
وهعرف إن الحب مش كده أبدا
وإنت هتفتكر يوم قلبى الحنون
لما تلاقي الدنيا قفلت من دون
إرسال تعليق