كتب رمضان منير عبد السلام
أزعل من مين وأزعل على مين إنتو فاكرين نفسكوا بنأدمين
أزعل من مين بقا الأندال فاكرين نفسهم الغالين
فاكرين إن بقالهم خاطر على قلبي وقال ضى العين
فاكرين إنى ازعل برضوا عليكوا أو أبقى حزين
بقا أنا فارقت صحاب كانوا مالين البيت
وخطفهم منى الموت وبعدهم أنا ياما عنيت
دا اخويا بايدي كفنته ومن بعده أبواي دفنته
بكيت ما لقيت مالقيت في الكسره ايدين
والحزن في قلبي بقاله سنين
وكمان بعديهم الأم فرقيتنى
والدمعه على فراقها كويتنى
أزعل قال على ناس خاينين
بقا بعد العمر دا وجراحه وأغلى ما في العالم راحو
باقيت عايش وسط التعابين
بقا بعد شراع الحزن ما خدنى
وبتمرمغ في الأوجاع دى سنين
ازاى هزعل ومن مين أزعل ولو دقيقتين
بقا هزعل برضوا من ناس مالهمش أساس أو حتى بيجوا في بالى ساعات
أنا في نفسى عزيز مش زعلان على حد عندى مالوش كرمات أو حتى في قلبي أى مكان
أنا من زمان قلبي مليان بالأوجاع تفتكروا إنى في ليلتى دى هبات زعلان
أنا مش فاضي بلاش حورات بلاش تفاهات كده عالفاضى أصلها مش ناقصه عيال
هوا انتوا مين عيال ناقصين وإن يوم جات العين في العين أقسم بالله ولا في خيالي ولا على بالى وبعد الغالين ما فيش تانين
إرسال تعليق