بقلم / محمود عبدالله
وَلحقت تحب تاني
طيب إزاي وفين وإمتى؟
مش اللي كان معايا
إمبارح هو أنت؟
نسيتني في ثانية واحدة؟
يا ريتني كنت زيك
ده قلبي لسه واخد
على لمسة من إيديك أنت
أنا اللي لسه في مكاني
بـعـيـد في ذكرياتي
وأنت بدأت تـبني
في قصة حد تاني!
يا بـختك لـو قدرت
تـشـيـلني مـن حـياتـك
أنا لسه صـورتك
هي اللي في منامي!
غـريبة الدنيـا ديّـه
تـبدل فـي الـوجـوه
وقلـبي اللي بيشتريهم
بالـرخـص بـيبعوه
كإنـا مـا كـنـا يـوم
ولا كـان بـيـنـا عـشـرة
كـإنـي كـنـت لـعـبـة
وفـجـأة مـلـيـت رمتها!
خلاص مبروك عليك
حياة مفيهاش وجودي
ياللي بتخلف وعودك
أنا وفيت بـوعدي
بكرة الأيام تبين
مين اللي عاش بيخلص
ومين اللي كان بيمثل
عشان يثبت وجوده!
وَلحقت تحب تاني؟
بسرعة كده تنساني
أنا لسه صـورتك
هي اللي في منامي!
إرسال تعليق