الاعلامية داليا غازى تكتب الانتماء الانانى

 يوميات مذيعة مفروسه 

بقلم الاعلامية /  داليا غازي

طبعا اول حاجة هتيجي علي بالكم لما تشوفوا العنوان هتقولوا لي ايه ده هو انتي بتخترعي هو فيه حاجة اسمها انتماء اناني ده حتي الانتماء بيعتبر أعلي انواع الاخلاص او الاخلاص والوفاء التام سواء لاشخاص او لعيلتك او شغلك وطبعا لوطنك هقولكم اه والله ما انا عارفة بس اصبروا عاليا وانا هشرح لكم وانتو قرروا واحكمو لاني زي ما فيه ناس فعلا بتحمل كل معاني الانتماء وبتخلص في انتمائها انتماء تام فيه ناس ميعرفوش من الانتماء غير معناه اللفظي وبس  . 

  بعني تلاقي الواحد من دول يعلن انتماءة و ولاءة لشخص ما لانه مثلا محتاجه له او هياخد بايده لطريق ما بس وهما في الطريق بقابل واحد تاني هيوصله اسرع قوم بعمل ايه يسيب الاولاني ويمسك في التاني ويعلن ولاءة وانتمائه التام بس اول ما يوصل ايده هتكون اول ايد بتسيب وده بيحصل كتير للأسف 

 وطبعا مش هننسي الانتماء الزائف للعمل او بالبلدي كده انتمائك لمكان أكل عيشك وشغلك يا سلام قدام صحاب الشغل هات يا كلام وتطبيل واعلان الولاء التام بس وده طبعا الظاهر والمعلن قدام الروساء وأصحاب العمل بس تنزل من الشغل وتقعد علي القهوة ولا تركب موصلاتك او عربيتك تلعن المكان وقد ايه انت مظلوم  . 

 فيه الاخر النتيجة انك في الاخر هتلاقي نفسك مكانك محلك سر لا بتتقدم في شغل ولا بيكون لك صحاب لأنك في الأصل معندكش انتماء حقيقي مفيش إخلاص ومحبة الناس عندك سلالم بتاخد كل واحد سلمة عشان يوصلك للي بعدها وشغلك مش هتنجح فيه لأنك ما اخلصتش ولا عملت اللي عليك فعمرك ما هتتقدم 

 عشان كده انا جاية اقولكم الانتماء مش مجرد كلمة و لفظ الانتماء فعل وقلب اه صح نسيت اقولكم اول درجات الانتماء انك تنتمي لنفسك وتخلص لها وتشتغل عليها وتكبرها ساعتها هتعرف تمتمي للناس وللشغل ولبلدك واختار وخليك صاحب قرار وبلاش نقول سلم لنا بقي علي التروماي