بقلم رمضان منير
الدنيا حالها مال وخاب والناس قلوبهم مرعبه مايعرفوش معنى الأصول ما بيعملوش حاجه طيبه وإذا ساعدو حد يبقا دين ويطلبوه يجى بالربا حتى القرايب نسيو بعض ولا حتى بقيوا بيسألو ولا بيواسنا بالحضور ولا بالكلام والطبطبه وبيزعلو لو جم شافونا فرحانين وبيحسدو على لقمه حلوه وهدمتين وبيفرحوا لو شافوا حياتنا صعبه ومتعبه الأخ بيخاصم أخوه علشان مراته بالشهور والإبن هان أمه وأبوه ويروح يبنى ويعلى دور وهما يناموا في الشتا من غير لحاف ولا مرتبه دا فزمنا كان الخير كتير والناس بيتعاملو بضمير على لمبه جاز يتجمعوا ولا كان فيه بينا شات أو نت ولا كان فيه كهربا الحب في الزمن الجميل كان حب حلو كان حب عال أما في زمنكم وبوضوح بقا الحب في إيدين العيال وبنات زمان كانوا بالحياء متزينين دلوقتي تلقى البنت ماشيه فيها مناظر تلم بيها عيون الرجال كانت البيوت جواها فرح يمكن ألف نوع دلوقتي فعلا والأسف فيه أوضه جاهزه في كل بيت معمولة مخزن للدموع الكلمه أيامنا زمان كانت مابين الناس عقود والجار كمان كان مستحيل تلقاه أنانى أو حسود دلوقتي غدر وخيانه وفيه ما بين الناس سدود والله نفسي وبدعى ربى إن الزمن الجميل يرجع يعود
إرسال تعليق